TALDYQORǴAN. KAZINFORM – Taldyqorǵan qalasynda voleıboldan áıelderdiń ulttyq lıga komandalary arasynda Qazaqstan chempıonatynyń tórtinshi týrynda alǵashqy bolyp «Aqtóbe» men «Gratsııa KZ» alańǵa shyqty.
Aqtóbelik klýbqa jýyrda belgili reseılik bapker, búgin 66 jasqa tolyp otyrǵan ıÝrıı Panchenko taǵaıyndalǵan bolatyn.
«Aqtóbe» 23 upaımen týrnır kestesinde 6-orynda tursa, oraldyqtar 9-satyda edi.
Ázirge 11 upaıy bar Aına Ǵubashevanyń shákirtterine úzdik segizdikke iligý úshin osy týrda upaı alýy qajet-aq.
Bul joly birinshi partııada aqtóbelikter aıqyn basymdylyq kórsetti – 25:12. Ekinshi jáne úshinshi set barysynda oraldyqtar alǵa shyqqanymen, sol múmkindikti paıdalana almady – 21:25, 21:25.
Jalpy esep – 3:0, «Aqtóbeniń» paıdasynda.
Osylaısha, aqtóbelik oıynshylar jańa bapkeriniń týǵan kúninde jeńiske jetti.
Eske sala keteıik, budan buryn Taldyqorǵanda voleıboldan áıelder arasynda Qazaqstan chempıonatynyń tórtinshi týry bastalatynyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).