Vokzaldaǵy Ashyq jobasy: Poıyz bıletiniń qunyn qalaı qaıtarýǵa bolady

NUR-SULTAN. QazAqparat – Jolaýshy poıyzǵa miner aldynda Ashyq jobasynan «qyzyl» nemese «sary» mártebesi shyǵyp, jol júrýge ruqsat berilmegen jaǵdaıda bılet qunyn qalaı qaıtarýǵa bolady? Bul suraqqa «Jolaýshylar tasymaly» AQ bas dırektorynyń marketıng jáne satý jónindegi orynbasary Vıktor Boshmann jaýap berdi, dep habarlaıdy QazAqparat tilshisi.

«Vokzaldarda Ashyq jobasynyń engizilýine baılanysty biz poıyz bıletterin keri qaıtarýdyń jolyn oılastyrdyq. ıAǵnı jolaýshydan Ashyq qosymshasy arqyly «qyzyl» nemese «sary» mártebesi anyqtalyp, poıyzǵa otyrǵyzýǵa jiberilmegen jaǵdaıda, ol bilet.railways.kz saıtyndaǵy [phone] What's App nómirine jeke málimetterin jiberýi tıis. Atap aıtqanda, poıyz bıletiniń fotosyn nemese skrınshot, Ashyq qosymshasynda shyqqan mártebesiniń fotosyn nemese skrınshotyn jáne jeke kýálik, tólqujat nemese týý týraly kýáliginiń sýreti bolýy tıis. Sodan soń jolaýshy esh ýaıymsyz úıine kete berse bolady. Jolaýshy em alyp bolǵan soń 6 aıdyń ishinde (poıyz bıletinde kórsetilgen kúnnen bastap) «Jolaýshylar tasymaly» AQ-nyń kez-kelgen kassasyna baryp joǵaryda atalǵan qujattardy kórsetip, bıletti qaıtarý týraly ótinishti toltyryp, onyń qunyn keri alýǵa bolady»,- deıdi Vıktor Boshmann.

Onyń aıtýynsha, paıdalanbaǵan poıyz bıletiniń aqshasyn qaıtarý QR Indýstrııa jáne ınfraqurylymdyq damý mınıstrliginiń 2015 jylǵy 30 sáýirdegi №545 buıryǵyna sáıkes júzege asyrylady.

Jáne jolaýshyǵa bılet qunynyń 50 paıyzy ǵana qaıtarylady.