Vladımır Jumaqanov TMD elderi qaýipsizdik qeńesteri hatshylarynyń kezdesýine qatysty

ASTANA. QazAqparat - Qazaqstan Respýblıkasy Prezıdentiniń kómekshisi - Qaýipsizdik keńesiniń hatshysy Vladımır Jumaqanov bıylǵy 22 qarashada Máskeý qalasynda ótken TMD-ǵa múshe memleketterdiń qaýipsizdik qeńesteri hatshylarynyń besinshi kezdesýine qatysty, dep habarlaıdy Aqordanyń baspasóz qyzmeti.

Іs-shara barysynda delegatsııalar basshylary TMD keńistigindegi turaqtylyq pen qaýipsizdikke tónip turǵan qazirgi qaýip-qaterler turǵysynan aımaqtyq ózara is-qımyldyń ózekti máselelerin talqylady. Atap aıtqanda, Aýǵanstandaǵy ahýal men Ortalyq Azııa memleketteriniń qaýipsizdigin qamtamsyz etý jónindegi sharalar, radıkaldyq dinı aǵymdardyń taralýyna qarsy turý, sondaı-aq epıdemıologııalyq qaýipsizdik salasyndaǵy ózara is-qımyl máseleleri qaraldy.

Búgin Qazaqstan men Reseı qaýipsizdik keńesteri apparattary deńgeıindegi kezekti ekijaqty konsýltatsııalar aıasynda V.Jumaqanov reseılik áriptesi N.Patrýshevpen kelissóz ótkizdi.

Qazaqstan men Reseıdegi ultaralyq saıasat salasyn qosa alǵanda ekijaqtyq qarym-qatynastardyń keń aýqymdy baǵyttary boıynsha pikir almasyldy. Sondaı-aq, konsýltatsııalar barysynda ekologııalyq qaýipsizdik máseleleri jáne eki el halqynyń densaýlyǵyn saqtaý jónindegi sharalar qarastyryldy.

Foto: pravo.by