Vladımır Zelenskıı Eýroodaqtan Ýkraınany quramyna qabyldaý sheshimin keshiktirmeýin surady

KIEV. QazAqparat - Ýkraına prezıdenti Vladımır Zelenskıı Eýropalyq Odaq (EO) úshin eldi qaýymdastyqqa qabyldaý sheshimin keshiktirýge bolmaıdy dep esepteıdi. Bul týraly QazAqparat Ýkraına prezıdentiniń resmı Telegram-kanalyna silteme jasap habarlaıdy.

«Qazir biz Ýkraınanyń Eýropalyq Odaqqa kirý jolyn salyp jatyrmyz. Osy jerde sizderden sheshim qabyldaýda keshikpeýlerińizdi ótinemin. <...> Kim ne nársege laıyq ekenin kórip tursyzdar, Ýkraına jaqyn arada EO-ǵa múshe bolýy kerek <...>, bizde mundaı múmkindik bar», - dedi ol Eýropalyq Keńeske arnaǵan sózinde. Beınejazba juma kúni Ýkraına prezıdentiniń Telegram-kanalynda jarııalanǵan.

«Lıtva – biz úshin, Latvııa – biz úshin, Estonııa, Polsha da. Frantsııa, Emmanýel (Makron), bizdi qoldaıtynyńyzǵa senemin», - dedi Zelenskıı.

«Vengrııa – osy jerde toqtap, birinshi jáne sońǵy ret ashyq aıtqym keledi. Kimdi qoldaýdy ózderińiz sheshýlerińiz kerek. Sizder egemendi derjavasyzdar», - dep jalǵastyrdy Ýkraına Prezıdenti.

Respýblıkanyń premer-mınıstri Vıktor Orbanǵa «sen» dep sóılegen Zelenskıı ony «sanktsııa salýdan (Reseıge qarsy) tartyný-tartynbaý, óz shekarasy arqyly qarý-jaraq ótkizý-ótkizbeý jáne Reseımen saýda júrgizý ne júrgizbeýge qatysty oılanyp júrgeni úshin aıyptady.

«Oılanatyn ýaqyt joq, sheshim qabyldaıtyn kez keldi. Sizge senemiz, bizge sizdiń qoldaýyńyz qajet, halqyńyzǵa, Eýropalyq Odaqqa senemiz. Sheshýshi sátte Germanııanyń da bizben birge bolatynyna senemiz», - dedi prezıdent.