Vladımır Pýtın men Shavkat Mırzıeev shaǵyn quramda kelissóz júrgizip jatyr

<p>TAShKENT. KAZINFORM &ndash; Búgin &laquo;Kóksaraı&raquo; rezıdentsııasynda Reseı prezıdenti Vladımır Pýtındi resmı kútip alý saltanaty ótti, dep habarlaıdy Kazinform agenttiginiń Tashkenttegi menshikti tilshisi Álıhan Asqar.</p>

Ózbekstan basshysynyń baspasóz qyzmetinen málim etkendeı, rezıdentsııa aldyndaǵy alańda eki eldiń memlekettik týlary ilinip, qurmetti qaraýyl sap túzedi.

Ózbekstan prezıdenti Shavkat Mırzıeev mártebeli meımandy jyly qarsy aldy. Memlekettik ánurandar shyrqaldy, artynsha eki el basshylary resmı delegatsııa múshelerimen amandasty.

Sýretke túsý rásiminen soń memleket basshylarynyń arasyndaǵy shaǵyn quramdaǵy kelissóz bastaldy.

Eske salaıyq, keshe Reseı prezıdenti Vladımır Pýtın memlekettik saparmen Ózbekstanǵa keldi. Ony áýejaıdan Shavkat Mırzıeev kútip aldy.

Sapar baǵdarlamasyna sáıkes, eki el basshylary joǵary deńgeıde kelissózder júrgizbek. Onyń barysynda jan-jaqty strategııalyq áriptestik pen odaqtastyq jáne ózbek-reseı qatynastaryn odan ári damytý máseleleri talqylanady. Sammıt qorytyndysy boıynsha birqatar qujatqa qol qoıý josparlanǵan.

Sonymen qatar Vladımır Pýtın men Shavkat Mırzıeev Reseı men Ózbekstan óńirleri keńesiniń birinshi otyrysyna qatysady.

Qosa ketsek, Reseı basshysy sońǵy ret Ózbekstanǵa 2022 jyly qyrkúıek aıynda Samarqandaǵy ShYU-nyń sammıtine qatysý úshin kelgen.