Vladımır Pýtın Qazaqstanmen yntymaqtastyq týraly: Toqaev barlyq baǵyt boıynsha ózara is-qımyldy qoldaıdy

<p>ASTANA. KAZINFORM &ndash; Bul týraly Reseı Federatsııasynyń prezıdenti Sankt-Peterbýrg halyqaralyq ekonomıkalyq forýmy (PMEF) aıasynda ótken iri halyqaralyq aqparattyq agenttikterdiń basshylarymen kezdesýi barysynda málimdedi.</p>

Áńgime barysynda «Kazınform» HAA-nyń bas redaktory Asqar Djaldınov saýal qoıdy:

— Vladımır Vladımırovıch, Qazaqstan men Reseıdiń kórshi memleketter retindegi qarym-qatynasynyń bolashaǵy qandaı?

«Qasym-Jomart Kemeluly, Prezıdent Toqaevpen únemi baılanystamyz. Bizde óte meıirimdi, senimdi, dostyq qarym-qatynas qalyptasty», - dep atap ótti Vladımır Pýtın.

Foto: Aleksandr Demıanchýk/TASS

«Shynymdy aıtsam, bizdiń qarym-qatynasty qandaı da bir jolmen qıyndatqan oıdy kórip turǵan joqpyn. Qytaımen yntymaqtastyq týraly aıttyq, bizde taýar aınalymynyń 90%-y ulttyq valıýtalarǵa tıesili. Bizdiń Qazaqstanmen qarym-qatynasta da solaı bolyp jatyr. Ol 100%-ǵa taıap qaldy, - dedi RF Prezıdenti gýmanıtarlyq saladaǵy yntymaqtastyqtyń jaqsy deńgeıin atap óte kele. — ıAǵnı, bizde barlyq vektor boıynsha óte nátıjeli birlesken jumys júrip jatyr. Sonyń ishinde barlyq baǵyttar boıynsha bizdiń ózara is-qımyldy qoldaıtyn Prezıdent Toqaevtyń arqasynda. Jaqynda Astanaǵa baramyz, ShYU sammıti jáne basqa da is-sharalar bolady. Meniń shaqyrtýym bar, árıne, men ony qoldanamyn», - dep túıindedi Reseı basshysy.