Vladımır Pýtın EAEO qurylýyndaǵy Elbasynyń eńbegin atady
«Shynynda da, qazaqstandyq áriptesimizdiń sózin taǵy da rastaǵym keledi: Qazaqstannyń Tuńǵysh Prezıdenti Nursultan Ábishuly Nazarbaev bizdiń birlestigimizdi qurýdyń bastamashysy boldy. Onyń maǵan telefon shalǵany da áli esimde, sonda N. Nazarbaev Reseıdiń jaqyn bolashaqqa basymdyq retinde ne kóretini týraly birqatar mańyzdy suraqtar qoıdy. Bul Qazaqstan úshin de, Reseı úshin de ıntegratsııalyq birlestik qurý basymdyq bolady dep ýaǵdalastyq, bul jóninde buryn da aıtqanbyz», - dedi Vladımır Pýtın Joǵary Eýrazııalyq ekonomıkalyq keńestiń otyrysynda.
Vladımır Pýtın Qazaqstannyń Tuńǵysh Prezıdentiniń bastamasymen bul protsess damı bastaǵanyn atap ótti.
«Al qazir – búkil álemdik ekonomıka úshin de, bizdiń ekonomıka úshin de osyndaı qıyn kezeńde báriniń durys jasalǵanyn sezinip otyrmyz. Biz qandaı da bir qıyndyqtarǵa qaramastan, birlesken kúsh-jigerdiń arqasynda ózara saýdany arttyra alǵanymyzdy kórip otyrmyz. Qasym-Jomart Kemeluly aıtqandaı, bıylǵy toǵyz aıda odaqqa múshe memleketter arasyndaǵy taýar aınalymynyń kólemi shamamen 16 paıyzǵa ósken. Bizdiń statıstıka boıynsha,bul 2019 jyldaǵy tıisti kórsetkishten 10 paıyzǵa artyq. Kez kelgen jaǵdaıda, bul jaqsy kórsetkish. Ózara ınvestıtsııalar, qarjy sektory jáne eńbek naryǵy turaqty dınamıkany kórsetýde», - dedi Vladımır Pýtın.