Vızasyz rejım: 173 myń Qazaqstan azamaty Qytaıǵa saparlady

<p>ASTANA. KAZINFORM &ndash; Qytaımen arada vızasyz rejım engizilgennen beri 173 myń otandasymyz kórshi elge bardy. Bul týraly Syrtqy ister mınıstrliginiń resmı ókili Aıbek Smadııarov aıtty.&nbsp;&nbsp;</p>

«Qytaımen vızasyz rejım engizemiz degende qanshama halyq shýlady. Mysaly, áleýmettik jelini ashyp qalsańyz, «Qytaı jaýlap alady», «qaýipsizdik ne bolady?», «memleket qaıda qarap otyr» degen jazbalar men urandar boldy», - dedi Aıbek Smadııarov.

Onyń atap ótýinshe, ótken jyldyń 10 qarashasynda kúshine engen eki el arasyndaǵy kelisim óz nátıjesin berip jatyr.

«Statıstıkaǵa súıensek, 2023 jylǵy 10 qarashadan beri Qazaqstanǵa 126 myń Qytaı azamaty kelgen. Sondaı-aq osy ýaqyttan beri Qytaıǵa 173 myń qazaqstandyq barǵan. Ózim de 2 kún buryn Qytaıǵa baryp keldim. Ushaqtyń bárinde tolǵan Qazaqstan azamattary. Surastyrsań, kóbi týrıst. Mysaly, 1-2 ata-anany kórdim. Olar balalaryn oqytý úshin ýnıversıtet qaraýǵa bara jatyr eken. Sondyqtan mádenı gýmanıtarlyq baılanys nyǵaıyp keledi. Prezıdenttiń jáne Syrtqy ister mınıstriniń sapary da óte sátti ótti dep oılaımyn», - dedi resmı ókil.