Vızalyq rejımdi jeńildetý, sanktsııadan qorǵaý – Eýroparlament depýtattary Qazaqstanǵa keledi

ASTANA. QazAqparat – 21-23 tamyz kúnderi Eýropalyq Parlamenttiń Syrtqy ister komıtetiniń tóraǵasy Devıd Makallıster bastaǵan depýtattar delegatsııasy Qazaqstanǵa keledi, dep habarlaıdy QazAqparat tilshisi.

Bul týraly QR Syrtqy ister mınıstrliginiń resmı ókili Aıbek Smadııarov málim etti.

«Sapar aıasynda Eýroparlament delegatsııasynyń QR Memlekettik keńesshisi Erlan Qarınmen, QR Parlamenti Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Aıgúl Quspanmen, QR Adam quqyqtary jónindegi ýákili Artýr Lastaevpen, birqatar memlekettik organ basshylyǵymen kezdesýleri josparlanǵan», - dedi resmı ókil mınıstrliktiń aptalyq brıfınginde.

Kelissózder barysynda taraptar Qazaqstan men Eýropalyq Odaq jáne onyń múshe memleketteri arasyndaǵy Keńeıtilgen áriptestik jáne yntymaqtastyq týraly kelisimniń iske asyrylýyna qatysty pikir almasady.

«Atalǵan qujat vızalyq rejımdi jeńildetýdi, Qazaqstandy sanktsııalardyń teris áserinen qorǵaýdy, «Orta dálizdi» jáne kóliktik ózara baılanysty damytýdy, asa mańyzdy shıkizat materıaldary salasyndaǵy yntymaqtastyqty, klımattyń ózgerýin jáne «jasyl» energetıkany qosa alǵanda, ózara is-qımyldyń 29 salasyn qamtıdy», - dedi A. Smadııarov.