Vıtse-premer zeınetaqy jınaǵyn erte sheship alýdy toqtatý usynysyna pikir aıtty

<p>ASTANA. KAZINFORM &ndash; Úkimet basshysynyń orynbasary Tamara Dúısenova Biryńǵaı jınaqtyq zeınetaqy qory qoryndaǵy aqshany erte sheship alýǵa tyıym salý máselesine túsinik berdi.</p>

«Sarapshylar men qarjyger-ekonomısterden zeınetaqy qoryndaǵy artyq aqshany merziminen buryn sheship alýdy toqta turý kerek degen usynystar túsip jatyr. Óıtkeni ondaǵy qarjy kiris retinde sanalady jáne ony adam zeınetke shyqqanda alady», - dedi Tamara Dúısenova Májilistiń jalpy otyrysynan keıin tilshiler suraǵyna jaýap bere otyryp.

Onyń aıtýynsha, bul usynys talqylanady. ıAǵnı zeınetaqy jınaǵyndaǵy qarjysyn erte sheship alǵysy keletin adamdar men zeınetkerlerdiń múddesi eskeriledi.

«Sondyqtan biz bul usynysty talqylap, jan-jaqty pysyqtaımyz. Usynys bizge kelip tústi. Ýákiletti organ jumys tobyn qurdy. Meniń oıymsha, 2-3 aıda osy másele qaralady. Jyldyń sońynda olar ózderiniń usynystaryn jarııalaıdy», - dedi vıtse-premer.

Budan buryn habarlanǵandaı, elimizde keıbir sarapshylar zeınetaqy qoryndaǵy jınaqty erte sheship alýdy toqtatýdy usyndy. Osyǵan oraı Eńbek jáne halyqty áleýmettik qoldaý mınıstri Svetlana Jaqypova pikir bildirdi.