Vıtse-premer: Ulttyq banktiń aqsha-nesıe saıasaty Úkimettiń ishki qaryzdaryn qymbattatyp jatyr

<p>ASTANA. KAZINFORM &ndash;&nbsp; Premer-mınıstrdiń orynbasary &ndash; Ulttyq ekonomıka mınıstri Nurlan Baıbazarov Májilistiń jalpy otyrysynda Úkimet boryshtaryna qyzmet kórsetý shyǵyndary nege kúrt artqanyn aıtty.</p>

Májilis depýtaty Murat Ergeshbaev mınıstrden Úkimet boryshtaryna qyzmet kórsetý shyǵyndary 2024-2025 jyldary keıingi 10 jylda rekordtyq kórsetkishke jetkenin aıtyp, munyń sebebin surady.

«Ózderińiz bilesizder, keıingi jyldary jalpy álem ekonomıkasyna, geosaıası jaǵdaıǵa baılanysty bul naryqtaǵy sharttar ózgerip jatyr. Naryqtaǵy mólsherleme paıyzy ósip otyr. Mysaly, bizdiń syrttan qaryzdar qubylmaly stavka arqyly tartylǵan. Alǵan kezde bir stavka bolsa, qazir jalpy jaǵdaıdyń ózgerýine baılanysty ekonomıkadaǵy táýekelderdiń ósýine baılanysty halyqaralyq naryqtaǵy ınvestorlar, bankter mólsherlemesin ósirip jatyr», - dedi vıtse-premer.

Onyń sózinshe, Úkimet qaryzdarynyń bir bóligi ishki naryqtan teńgemen alynǵanyn eske saldy.

«Sońǵy jyldary elimizde Ulttyq banktiń bazalyq mólsherlemesi de ósip kele jatyr. Bul júrgizilip jatqan aqsha-nesıe saıasatyna baılanysty. Sondyqtan biz alyp jatqan ishki qaryzdar da qymbattap jatyr. Osy eki negizgi sebep qaryzdarǵa kórsetiletin qyzmet shyǵyndaryn ósirip keldi. Onyń syrtynda valıýta baǵamynyń qubylýy bar», - dedi Ulttyq ekonomıka mınıstri.