Vıtse-premer men mınıstr egis naýqany kezinde barlyq óńirdi aralap shyǵady
15 mamyrda Aqmola oblysyna jumys sapary barysynda Úkimet basshysy jappaı egis naýqanynyń bastalaýyna qatysyp, kóktemgi dala jumystarynyń barysyn tekserdi.
18 mamyrda aýyl sharýashylyǵy mınıstri Aıdarbek Saparov Qaraǵandy oblysyna baryp, sharýalarmen kezdesip, egis jumystarynyń qarqynyn kórdi.
Mınıstr aýyl sharýashylyǵyn memlekettik qoldaý, onyń ishinde aýyl sharýashylyǵy taýaryn óndirýshilerge tikeleı jeńildetilgen nesıe berý arqyly qoldaýǵa qatysty túsindirý jumystaryn júrgizdi.
Sonymen qatar mınıstr egis alqabyna tyńaıtqyshtardy jetkizý sharalaryn baqylady.
19 mamyrda Premer-Mınıstrdiń orynbasary Serik Jumanǵarın Túrkistan oblysyna bardy.
Ol jer-jerdegi fıtosanıtarııalyq jaǵdaımen tanysyp, ásirese shegirtkeniń taralý qaýpi bar aýdandardaǵy egistikterdiń jaı-kúıin kórdi.
Aýyl sharýashylyǵy mınıstri A.Saparov búginde Qazaqstannyń negizgi astyq egetin oblystarynyń biri Qostanaı oblysynda salanyń negizgi problemalyq máseleleri boıynsha sharýalarmen birqatar kezdesý ótkizedi.
Mınıstr oblystaǵy egis naýqany barysymen jáne óńirdegi fıtosanıtarııalyq ahýalmen tanysý úshin birqatar aýdandardy aralaıdy.
Atalǵan aýdandarda shegirtkeniń taralý qaýpi joǵary.
Sonymen qatar Premer-Mınıstrdiń orynbasary Serik Jumanǵarın, aýyl sharýashylyǵy mınıstri Aıdarbek Saparov jáne jaýapty aýyl sharýashylyǵy vıtse-mınıstrleri jappaı egis naýqany aıaqtalmaı turyp, qalǵan óńirlerdi aralap shyǵady.
Kún tártibinde astyq sebýdiń tıimdi merzimi, aýyl sharýashylyǵy taýaryn óndirýshilerdi jeńildetilgen nesıemen qamtý, sharýalardyń nesıelerine 85%-ǵa kepildik berý boıynsha túsindirý jumystary, tyńaıtqysh jetkizý jáne basqa da máseleler tur.