Vıtse-mınıstr: Kórshi elder tasqynnan ıt-mysyq túgil adamdaryn qutqara almaı jatyr

<p>ASTANA. KAZINFORM &ndash; Tótenshe jaǵdaılar vıtse-mınıstri Baýyrjan Syzdyqov vedomstvo basshysy Shyńǵys Árinovtiń &laquo;arzan pıarǵa áýestigi&raquo; týraly syndarǵa jaýap berdi.</p>

«El ishinde Shyńǵys Árinov tasqynnan ıt-mysyqty qutqaryp, pıar jasap júr deıtin pikir aıtylyp jatyr. Mınıstr bos jumyspen aınalysyp júrgen joq pa?» - dep surady jýrnalıst.

Vıtse-mınıstr tótenshe jaǵdaı kezinde ıt-mysyqty qutqarýdyń esh sókettigi joq dep esepteıtinin aıtty.

«Jan-jaqqa qarasaq, basqa kórshiles memleketterge qarasaq, mysyq pen ıt túgil adamdaryn qutqara almaı jatyr. Al biz búkil adamdarymyzdy qutqaryp, olardyń qaýipsizdigin qamtamasyz etip, úıdegi qalǵan janýarlardy kóshirip jatyrmyz. Qazaq aıtady ǵoı, ıt – jeti qazynanyń biri. Ol da bir tiri jan ǵoı. Ol qaıta jaqsy nárse emes pe», - dedi Baýyrjan Syzdyqov.