Vıtse-mınıstr «Qalaýlym» tektes baǵdarlamalardyń reıtıngi týraly: Unamasa, kórmeńizder

<p>ASTANA. KAZINFORM &ndash;&nbsp; Mádenıet jáne aqparat vıtse-mınıstri Qanat Ysqaqov Senat otyrysynan keıingi brıfıngide &laquo;Qalaýlym&raquo; tektes baǵdarlamalardy shekteý máselesine pikir bildirdi.</p>

«Qarapaıym azamat retinde qarsymyn. Men qarsymyn, sondyqtan da kórmeımin. Unamaıtyndarǵa da jaı ǵana kórmeı qoıýǵa keńes beremin. Sizder kórmeseńizder, ol baǵdarlamalardyń reıtıngi de bolmaıdy. Sáıkesinshe tanymal da bolmaıdy. Árıne, tsenzýra jasaýǵa bolady. Biraq Konstıtýtsııany, zańdy buzyp jetistikke jetýge bolmaıdy», - dedi Qanat Ysqqaqov.

Onyń aıtýynsha, atalǵan baǵdarlamalardyń reıtıngi kórermenniń arqasynda asqaqtap tur.

«Sáıkesinshe ol kompanııalardyń tabysyn ózderińiz arttyryp jatyrsyzdar. Iá, biz búkil kontentke monıtorıng júrgizemiz. Eger siz aıtqan baǵdarlamalarda ádep pen moral talaptaryn buzatyn janjaldar kórsetilse, biz keleshekte ondaı jasamaýy kerektigi týraly usynys keńes jiberemiz. Ony keńesti qabyldaý, qabyldamaý ár redaktsııanyń ar-uıatyna baılanysty», - dedi vıtse-mınıstr.