Vıtse-mınıstr: BAQ sózin «mass-medıa» uǵymyna ózgertýimiz qajet

<p><span style="font-family: sans-serif; font-size: 18px;">Mádenıet jáne aqparat vıtse-mınıstri Qanat Ysqaqov Ákimshilik quqyq buzýshylyq týraly kodekske BAQ-qa qatysty qandaı ózgeris engiziletinin aıtty, dep habarlaıdy&nbsp;</span><a style="padding: 0px; margin: 0px; font-size: 18px; font-family: sans-serif;" href="https://kaz.inform.kz/" target="_blank" rel="noopener">QazAqparat tilshisi.</a></p>

Búgin Ádilet mınıstrliginde ótken Zań jobalaý qyzmeti máseleleri jónindegi keńeste «QR Ákimshilik quqyq buzýshylyq týraly kodeksine BAQ máseleleri boıynsha ózgerister engizý týraly» konsýltatıvti qujat talqylandy.

Talqylaýdan keıin BAQ ókilderine suhbat bergen Qanat Ysqaqov atalǵan ózgertýler jýrnalısterge eshbir shekteý qoımaıtyndyǵyn aıtady.

«Qoldanystaǵy Ákimshilik quqyq buzýshylyq týraly kodekste «BAQ» sózi kórsetilgen. Biraq, biz «Mass-medıa týraly» zań qabyldaıtyn bolǵandyqtan BAQ uǵymyn barynsha jan-jaqty ári túsinikti «mass-medıa» uǵymyna ózgertýimiz qajet. Soǵan oraı barlyq zańnamalyq aktilerdegi atalǵan sóz ózgeretin bolady», – dedi vıtse-mınıstr.