Vıtse-mınıstr Aıagóz aýdanynda traktormen sýǵa batqandar týraly: Ózderiniń sanaly áreketi

<p>ASTANA. KAZINFORM &ndash; Tótenshe jaǵdaılar vıtse-mınıstri Baýyrjan Syzdyqov Úkimet otyrysynan keıin BAQ ókilderiniń saýalyna bergen jaýabynda Aıagóz aýdanyndaǵy qaıǵyly jaǵdaıda joǵalyp ketken turǵyndardy tasqynnyń qurbandary dep ataýdan bas tartty.</p>

«Adam shyǵyny joq» dep aıtqan kezde «Bizge rahmet aıtyńyz nemese bizdi maqtańyz» dep turǵan joqpyn. Qýanyp aıtyp otyrmyn. «Shúkir» deý kerek. Al traktordaǵy eki adamnyń joǵalýy sý tasqynyna qatysy joq. Ony biz durys túsinýimiz kerek. Olar jol qysqartý úshin tasyp jatqan ózenge ózderi kirip otyr. Demek, sýdyń ortasynda qalyp ketken joq. Traktormen joldy qysqartam dep sýǵa kirgen. On saǵat dep kóp aıtylǵan shyǵar. Ony biz qaraıyq. Oryssha aıtqanda «ý straha glaza velıkı» deıdi ǵoı. Órt bolyp jatqan kezde bizdiń azamattar «órt sóndirý kóligi jetip bolmaıdy» deıdi. Biraq dál sol kezde shyn máninde sanaýly sekýndtar men mınýttar ótip jatady. Bul jerde de týra sondaı», – dedi vıtse-mınıstr.

Jýrnalıst Aıagózdegi qaıǵyly jaǵdaıǵa jergilikti tótenshe jaǵdaılar qyzmeti nege den qoımaǵanyn surady. «Jergilikti qutqarý qyzmetiniń jumysynan kemshilik kórip turǵan joqsyz ba? Bir úlken Aıagózde qalaısha bir qaıyq tabylmaı qaldy?» - dep surady BAQ ókili.

«Ómir bolǵannan keıin qatelikter de, kemshilikter de bolady. Múmkin ondaı qatelikter, kemshilikter bolǵan shyǵar. Biraq biz árbir jaǵdaıdy zerttep, zerdelep, taldaý jasaımyz. Ókinishke qaraı, ár ózenniń basyna aparyp qoıatyn qutqarýshylarymyz joq. Aıagózdiń ózinen ol jerde jetýge ýaqyt kerek. Al men nege eki traktorshynyń sýǵa ketkenin sý tasýmen baılanystyryp otyrǵan joqpyn? Sebebi olar sýǵa baryp traktormen túspese, eshteńe bolmaıtyn edi. Másele sonda. Oryssha aıtqanda, adamnyń óziniń «soznatelnyı áreketi». Sony biz túsinýimiz kerek, – deıdi ol.

Aıta keteıik, Abaı oblysy Aıagóz aýdanynyń Qaraǵash aýylynda 26 naýryz kúni traktormen sýǵa ketken eki adam áli tabylmaı jatyr. Shalqar Qajygereev pen Qýanyshbek Myrzaǵazındi Qaraǵash aýyly irgesindegi Borly ózeni aǵyzyp áketken.