Visa-ǵa rahmet: TransferGo Visa kartasyna aýdarymǵa keshbek usynady
Sandyq tólemder boıynsha álemdik kóshbasshy Visa kompanııasy jahandyq iri fınteh uıymynyń biri TransferGo-men birlesken jobalaryn jalǵastyryp jatyr. Atalmysh naýqan TransferGo-diń Ulybrıtanııa men EO-daǵy tutynýshylaryna Ortalyq Azııa, Kavkaz jáne Moldova elderindegi Visa karta qoldanýshylaryna 5%-ǵa deıin keshbek alý múmkindigi bar aqsha aýdarymdaryn jasaýǵa múmkindik beredi.
Visa arqasynda, 1 tamyzdan 31 qazanǵa deıingi ýaqyt aralyǵynda kez kelgen EO nemese Ulybrıtanııa kartasynan/bank shotynan Ortalyq Azııa, Kavkaz jáne Moldova elderindegi Visa kartalaryna 200 eýro (nemese basqa valıýtalardaǵy balamasy) jiberetin TransferGo klıentteri 10 eýro (nemese balamasy) keshbek ala alady. Bul usynys tek jańadan qosylǵan tutynýshylar úshin qoljetimdi.
«Bul bastama tek aqsha aýdarymdarynyń qundylyǵyn arttyryp qana qoımaı, sonymen qatar, qarapaıym, tıimdi jáne qoljetimdi qarjylyq qyzmetterdi usynyp, jahandyq qarjylyq ınklıýzıvtilikti qoldaý jónindegi mıssııamyzdy aıqyndaı túsedi», – dedi TransferGo kompanııasynyń Aımaqtyq ósý menedjeri Anastasııa Fomenko (Anastasya Fomenko).
Visa kompanııasynyń klıenttik marketıng jónindegi aǵa jetekshisi Ýdaı Kaýshık Patel (Uday Kaushik Patel) myrza bylaı dep pikir bildirdi: «Sonymen qatar, Visa kompanııasy arqasynda Ardan Ǵalymuly, Oksana Chýsovıtına jáne Lasha Bekaýrı sııaqty Olımpıada jáne Paralımpıada sportshylary halyqaralyq qarjylyq tólemder men qarjylyq ınklıýzıvtilik týraly habardarlyqty arttyrý úshin TransferGo kompanııasyna qoldaý kórsetti».
Ortalyq Azııa, Kavkaz jáne Moldova elderi boıynsha TransferGo sońǵy 24 aıda tranzaktsııa kóleminiń 170%-ǵa jáne aqsha aınalymynyń 181%-ǵa óskenin habarlady. Bul aldyńǵy kezeńmen salystyrǵanda aıtarlyqtaı artqan. Bul ósý tendentsııasy aqsha aýdarýdyń ádil múmkindikterine degen mańyzdy suranysty kórsetedi jáne TransferGo kompanııasynyń mıssııasyn nyǵaıta túsedi.
TransferGo kompanııasy sportshylardy, sondaı-aq kúndelikti ómirde erlik kórsetip júrgen jandardy teńdeı qoshemettep, Visa komandasy sportshylarynyń jeńistiń aıryqsha sátterindegi kórinisterimen birge, óz otbasy men dostaryn qashan da qoldaýǵa tyrysatyn kúndelikti ómir qaharmandarymen qatar beınelegen «Úıden tys» («Out Of Home») shyǵarmashylyq marketıngtik kampanııasyn iske qosty.