Visa Azııa boıynsha plastıkalyq kartasyz tólem jasaýǵa múmkindik beredi

ASTANA. QazAqparat - Amerıkanyń transulttyq «Visa» kompanııasy Azııa boıynsha bank kartochkalaryn paıdalanbaı tólem jasaýǵa múmkindik týdyrmaq. Bul týraly búgin Astana ekonomıkalyq forýmy aıasynda «Jańa qarjylyq tehnologııalar» atty sessııaǵa qatysa otyryp, «Visa» kompanııasynyń TMD jáne ońtústik-shyǵys Eýropa elderindegi bas dırektory Mendı Lemb málim etti.

«Biz plastıkalyq kartalardan tsıfrly tólem júıesine aýysýdy kózdep otyrmyz. Bul jospardy jaqyn arada Azııada júzege asyrǵymyz kelip otyr. Árıne, tólemniń jańa júıesine kósherde qaýipsizdikti qaperimizde ustaımyz. Tsıfrly tólemderdiń qaýipsizdigin qamtamasyz etetin normatıvtik bazany qurýymyz kerek», - dedi M.Lemb.

Aıta keteıik, 2016 jyldyń aqpanynda «Kazkommertsbank» pen VISA Qazaqstanda alǵash ret Android-smartfonynyń kómegimen termınal arqyly tólem jasaý júıesin engizgen edi.

M.Lembtiń aıtýynsha, jalpy, Azııa elderi qolma-qol aqsha tóleý dástúrinen kartochkamen tólem jasaý júıesine aýysyp keledi.