Vırtýaldy qabyldaý komıssııalary kún saıyn 50-den asa ótinish qabyldaıdy

<p>ASTANA. KAZINFORM &mdash; Ál-Farabı atyndaǵy Qazaq ulttyq ýnıversıtetinde 2024 jyldyń 1 maýsymynan vırtýaldy qabyldaý komıssııasy óz jumysyn bastady. Qashyqtan jumys isteý búginde tańsyq emes, árkim zamanaýı baılanys tehnologııalaryn ońaı paıdalana alady.</p>

QazUÝ-dyń farabi.university.kz ýnıversıtet saıtynda bilim berý baǵdarlamalary, sondaı-aq fakýltetter týraly tolyq aqparat jarııalanǵan. Árbir talapker fakýltetti ońaı anyqtaı alady jáne saıt betinde óziniń bolashaq fakýltetiniń tehnıkalyq hatshysynyń málimetterin, sondaı-aq Teams baǵdarlamasynyń siltemesin taýyp, ony basý arqyly tehnıkalyq hatshymen baılanysa alady. Sonymen, kún saıyn 50-den asa onlaın ótinish qabyldanady.

Magıstratýra men doktorantýraǵa tapsyrýshylardyń vırtýaldy komıssııa qyzmetine suranysy asa joǵary, al bakalavrıat talapkerleri qabyldaý komıssııasynyń naqty ýaqytyn paıdalanýda. Talapkerler tolyq aqparattan habardar bolyp, kerekti suraqtardy qoıý arqyly qujattaryn kórsete alady. 2024 jylǵy 13 shildeden bastap memlekettik bilim berý granty konkýrsyna qatysýǵa qujattardy qabyldaýdyń bastalýyna oraı, QazUÝ-dyń 16 fakýltetiniń tehnıkalyq hatshylary qujattardy onlaın formatta qabyldaý úshin ashyq.

Keshe respýblıka boıynsha ótinimder qabyldaý bastaldy. Ál-Farabı atyndaǵy QazUÝ-da sapaly memlekettik qyzmet kórsetý úshin barlyq jaǵdaı jasalǵan. Fakýltetterdiń tehnıkalyq hatshylyǵy vırtýaldy qabyldaý komıssııasynyń alańynda onlaın júıesinde saǵat 09:00-den 18:00-ge deıin jumys isteıdi.