VIP nómirlerden túsken 44 mln teńge memleket qazynasyna quıylmaǵan - komıtet

NUR-CULTAN. QazAqparat - Tek qana joǵary suranystaǵy nómirlerdi bergennen memleket qazynasyna 44 mln teńge qarjy memlekettik bıýdjetke quıylmaǵan. Bul týraly QazAqparat Memlekettik kirister komıtetine silteme jasap habarlaıdy.

Shymkent qalasy boıynsha memlekettik kirister departamentimen, salyqtar jáne bıýdjetke tólenentin basqa mindetti tólemderdiń tolyq eseptelýin, bıýdjetke tólenýin qamtamasyz etý maqsatynda memlekettik bajdar men alymdardyń tólenýine únemi baqylaý júrgizilip otyrady.

Jaqyn arada ýákiletti organǵa tekserý júrgizý barysynda 148 kólik ıeleriniń joǵary suranystaǵy (VIP nómir) memlekettik tirkeý nómirlerin bergennen 44,4 mln teńge memleket qazynasyna túspegendigi anyqtaldy.

Oǵan qosymsha 130 kólik ıesinen mehanıkalyq kólik quraldaryn bastapqy memlekettik tirkegeni úshin alynatyn 123,2 mln teńge alym bıýdjetke túspegen.

Eńbekshi kóship kelýshilerden Qazaqstan Respýblıkasy aýmaǵyna sheteldik jumys kúshin tartýǵa ruqsatty bergeni jáne (nemese) uzartqany úshin 155,1 mln teńge jeke tabys salyǵy bıýdjetke túspegen.

Osyǵan oraı, Memlekettik bıýdjetke barlyǵy 320,0 mln teńgeden joǵary qarjy túspeı otyr.