VIP-nómirden bıýdjetke túsýi tıis aqsha qaıda – Jamaýbaev jaýaby

NUR-SULTAN. QazAqparat – QR Qarjy mınıstri Erulan Jamaýbaev kólikterge arnalǵan VIP-nómerlerdi satý qarjysynyń bir bóliginiń bıýdjetke túspeı qalý oqıǵasyna qatysty túsinikteme berdi, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhaty barysynda BAQ ókilderi tek qana joǵary suranystaǵy nómirlerdi satýdan Shymkentte 44 mln teńge qarjy bıýdjetke túspeý oqıǵasyna baılanysty saýal qoıǵan bolatyn.

«Shyndap kelgende bul biz úshin de óte mańyzdy másele. Ókinishke oraı qazirgi ýaqytta tergeý amaldary júrgizilip jatyr. Sondyqtan tergeý múddesine oraı, ıaǵnı aqparatty burmalamaý úshin barlyq tergeý is-sharalaryn júrgizý aıaqtalǵannan keıin ǵana tolyqqandy beremiz», - dep jaýap berdi mınıstr.

Sonymen qatar ol barlyq mán-jaı tergeý barysynda anyqtalatyndyǵyn basa aıtty.

«Sodan keıin biz ár fakti boıynsha jeke-jeke aqparat beremiz. Ázirshe eshqandaı pikir bildire almaımyn», - dedi Erulan Jamaýbaev.