Vılnıýste apatqa ushyraǵan júk ushaǵy týraly ne belgili

<p>ASTANA. KAZINFORM &ndash; Vılnıýs halyqaralyq áýejaıy mańynda júk ushaǵy apatqa ushyrady, dep habarlaıdy <a href="https://tass.ru/proisshestviya/22486779" target="_blank" rel="noopener">TASS</a> aqparat agenttigi.</p>

Ushaq Leıptsıgten Vılnıýske ushyp bara jatyp, áýejaıdan birneshe shaqyrym jerde qulaǵan. Ol biraz ýaqyttan beri reısterdi qabyldamaǵan jáne ushyrmaǵan. Qazir onyń jumysy qaıta jandandy.

Aldyn ala málimetke sáıkes, ushaq bortynda eki ushqysh pen kompanııanyń eki qyzmetkeri bolǵan. Oqıǵa ornynan jergilikti 12 turǵyn evakýatsııalandy.

Apat bolǵan jerde órt sóndirýshiler jumys istep jatyr. Ushaq qulaǵan aımaqtyń turǵyndary zardap shekken joq, dep habarlady daǵdarysqa qarsy ulttyq ortalyqtyń basshysy Vılmantas Vıtkaýskas.

Onyń aıtýynsha, ushaq borty buryn habarlanǵandaı eki qabatty turǵyn úıdiń ústine emes, onyń janyna qulaǵan.

Apatqa ushyraǵan ushaqtyń ushýdy basqarý ortalyǵynyń dıspetcherimen kelissózder ádettegideı jalǵasty.

Ushaq shuǵyl qonǵan joq, dep málimdedi Vıtkaýskas. Bort qulaǵan joq, qalypty qonýǵa daıyndalyp jatqan.

Sońǵy málimet boıynsha, bir adam qaıtys boldy. Ispanııa azamaty DHL kompanııasynyń qyzmetkeri bolǵan.

Osyǵan deıin Lıtvada júk tasıtyn ushaqtyń apatqa ushyraǵanyn jazdyq.