Vıdeokameraǵa túsip qalǵan: Astanada avtokólik urlaǵan er adam ustaldy

<p>ASTANA. KAZINFORM &ndash; Elordada polıtsııa qyzmetkerleri bótenniń kóligin aıdap áketken adamdy ustady, &ndash; dep habarlaıdy <a href="https://polisia.kz/elordada-avtokolik-urlaghan-adam-ustaldy-oqigha-videokameralargha-tusip-qalghan/" target="_blank" rel="noopener">Polisia.kz.&nbsp;</a></p>

Shaǵymdanýshynyń aıtýynsha, mereke kúnderi ol turǵyndarǵa jańa jyldyq syılyqtaryn úlestirip júrgen. 

Syılyq alǵan adamdardyń úıine birneshe mınýtqa kirip shyqqan ol avtokóligin qosýly kúıinde qaldyryp otyrǵan. Kelesi bir jetkizilimnen keıin kireberisten shyqqanda Nissan Cefiro avtokóliginiń joǵalyp ketkenin baıqaǵan. Osy jaǵdaıdan keıin ol dereý polıtsııaǵa habarlasqan.

Tekserý barysynda anyqtalǵandaı, er adam mas kúıinde qosýly turǵan avtokólikti kórip, esh kedergisiz aıdap ketken. 

Budan buryn Oralda kólikti mas kúıde aıdaǵan 160-tan astam júrgizýshi sottalǵanyn jazǵan edik.