Vıtse-premer prezıdent saılaýyna bólinetin qarajat týraly suraqqa jaýap berdi

ASTANA. QazAqparat – Qazaqstan prezıdentin kezekten tys saılaý naýqanyna 20,5 mlrd teńge bólý maquldandy. Bul týraly Úkimet otyrysynan keıin Premer-Mınıstrdiń orynbasary–Qarjy mınıstri Erulan Jamaýbaev aıtty, dep habarlaıdy QazAqparat tilshisi.

Búgingi Úkimet otyrysynan keıin tilshiler mınıstrden Ortalyq saılaý komıssııasynyń aldaǵy saılaý naýqanyn ótkizýge qajet 20,5 mlrd teńge ótinimi jaıly surady.

Óz kezeginde Qarjy mınıstri bul suraqqa qysqa jaýap berdi.

«Iá, maquldady», - dedi Erulan Jamaýbaev.

Budan buryn habarlanǵandaı, bıyl 8 qyrkúıekte Qarjy mınıstriniń orynbasary Tatıana Saveleva Qazaqstan prezıdentin kezekten saılaý naýqanyna shamamen 20 mlrd teńge qajet ekenin aıtqan edi.