Vıtse-premer oqý materıaldaryn elektrondy formatqa kóshirý jóninde birqatar tapsyrma berdi
Bul týraly QazAqparat QR Úkimetiniń resmı saıtyna silteme jasap habarlaıdy.
Jıynǵa oqý-aǵartý, tsıfrlyq damý, ınnovatsııalar jáne aeroǵarysh ónerkásibi, ádilet vıtse-mınıstrleri, sondaı-aq «Nazarbaev Zııatkerlik mektepteri» DBBU, Y. Altynsarın atyndaǵy Ulttyq bilim akademııasynyń, «Taldaý» AQ-nyń, mektep oqýlyqtaryn daıyndaıtyn jetekshi baspalardyń jáne IT-kompanııalardyń ókilderi qatysty.
Oqý-aǵartý vıtse-mınıstri A. Іlııasov mektepterdi elektrondyq oqýlyqtarmen qamtamasyz etý jónindegi ahýal jáne osy baǵytty odan ári damytý boıynsha josparlanǵan sharalar týraly baıandady. Baspalar men IT-kompanııalardyń ókilderi elektrondyq oqýlyqtar men bilim berý platformalary salasyndaǵy sońǵy ázirlemelerin usyndy.
Keńeske qatysýshylar elektrondyq resýrstardyń áleýetin jáne olardy bilim berý protsesin jetildirý úshin paıdalaný múmkindikterin talqylady. Bul rette pedagogtarǵa elektrondyq resýrstardy tańdaý quqyǵy berilýge tıis ekeni aıtyldy.
Keńesti qorytyndylaı kele, Premer-Mınıstrdiń orynbasary – eńbek jáne áleýmettik qorǵaý mınıstri mektepterdi elektrondyq oqýlyqtarmen jáne tsıfrlyq bilim berý resýrstarymen qamtamasyz etý tetikterin ázirleý, oqý materıaldaryn tsıfrlyq formatqa kóshirý jáne olardy oqý protsesinde qoldaný jóninde birqatar tapsyrma berdi.