Vıtse-premer medıtsınadaǵy zerthanalyq qyzmetterdi jeke sektorǵa tapsyrýdy usyndy

NUR-SULTAN. QazAqparat – QR Premer-Mınıstriniń orynbasary Eraly Toǵjanov Densaýlyq saqtaý mınıstrliginiń keńeıtilgen alqa otyrysynda medıtsınadaǵy zerthanalyq qyzmetterdiń bárin jeke sektorǵa tapsyrýdy usyndy, dep habarlaıdy QazAqparat tilshisi.

«Elimizde konsýltatsııalyq-dıagnostıkalyq qyzmetterdi qarjylandyrý kólemi 9 ese ósti.

Baǵasy qymbat zertteýler búkil azamattarǵa medıtsınalyq sebepter negizinde qol jetimdi boldy. Mundaı ortalyqtar Batys óńirdi qosa alǵanda, tórt óńirde, sondaı-aq Qaraǵandyda bar. Meniń oıymsha, bul óte mańyzdy nátıje. Biz jaqynda Almatyda osyndaı ortalyq ashtyq. Ol ortalyqty jeke sektor ashyp otyr. Osy baǵyttaǵy jumystardy yntalandyrýymyz kerek. Barlyq qyzmetterdi, sonyń ishinde zerthanalyq qyzmetterdi jeke sektorǵa berý kerek dep oılaımyn», - dedi Eraly Toǵjanov.

Onyń aıtýyna qaraǵanda, jedel járdem qyzmetiniń standarttary jetildirilmek.

«Baǵdarlama aıasynda Úkimet aýylda keminde 80 nysan salýdy josparlaǵan. Sol arqyly medıtsınalyq ınfraqurylymdy jaqsartý, aýdandyq aýrýhanalardy, perzenthanalardy qajetti jabdyqtarmen jaraqtandyrý, jedel járdem qyzmetin kezeń-kezeńimen medıtsınalyq kómek kórsetý standarttaryna kóshirý sharalaryn iske asyrý kózdelip otyr», - dedi vıtse-Premer.