Vıtse-premer-IJTM basshysy Áset Isekeshev: Moınaq GES-in salý kestege saı júrgizilýde
Bul týraly salynyp jatqan nysanda bolǵan kezinde QR vıtse-mınıstri-ındýstrııa jáne jańa tehnologııalar mınıstri Áset Isekeshev aıtty, dep habarlady QR ındýstrııa jáne jańa tehnologııalar mınıstrligi aqparat basqarmasynyń baspasóz qyzmeti.
«Bul joba Úkimettiń udaıy baqylaýynda. Búgin úkimettik top stansyny jáne onyń ınfraqurylymdarynyń nysandaryn tekserip shyqty. Oryndalǵan jumystardyń aýqymy - 90 paıyzdan asady, plotına salynǵan, derıvatsııalyq júıe qurylysy aıaqtalyp keledi, GES ǵımaratynyń jabdyqtaryn montajdaý júrizilýde; gıdroenergetıkterge arnalǵan kent (kottedj úlidegi 80 turǵyn úı), ǵımarattar, joldar, jeliler salynýda. Qazir GES qurylysynyń jaýapty kezeńderiniń biri - Bestóbe sý qoımasyna 238 mln. tekshemetr sýmen toltyrý jumystary bastaldy. Bir sózben aıtqanda, qurylys jumystary qyzý júrgizilýde, Prezıdent tapsyrǵandaı, GES jeltoqsanda paıdalanýǵa beriledi», - dedi Á.Isekeshev.
Vıtse-premerdiń aıtýynsha, energetıka salasynda bul joba ońtústik aımaqtar, ásirese Almaty qalasy úshin óte mańyzdy. Moınaq GES-i paıdalanýǵa berilgennen keıin ortasha jyldyq elektr energııasyn shyǵarý kólemi 1 mlrd. kVs-tan asady. Osyǵan baılanysty Qazaqstannyń ońtústiginde qarbalas ýaqyttarda elektr júktemesin jabý problemasyn ishinara sheshedi.
Budan basqa, bul jobany shyn máninde halyqtyq qrylys dep ataýǵa bolady. Qazir onda 1 myńnan astam adam jumys jasap jatyr. Stansy iske qosylǵanda 127 adam turaqty jumys ornyna ıe bolady.
Qýaty 300 MVT Moınaq GES-in Memleket basshysynyń tapsyrmasy boıynsha, «Samuryq-Qazyna» UÁQ-nyń «Samuryq-Energo» kompanııasy júzege asyrýda. Ol qýaty jaǵynan Qazaqstandaǵy besinshi gıdrostansy bolmaq jáne táýelsizdik jyldarynda paıdalanýǵa beriletin eldiń alǵashqy energetıkalyq ónim beretin qurylysy bolmaq.
Moınaq GES-iniń biregeıligi sonda, TMD keńistigindegi joǵary aryndy úsh GES-tiń biri, onyń 500 metr sarqyramasy bar. Nysandy paıdalanýǵa berý jeltoqsan aıyna - Qazaqstan Táýelsizdiginiń 20 jyldyǵyna josparlanyp otyr. Jobanyń jalpy quny - 360 mln. AQSh dollarynan asady. Strategııalyq mańyzdy ınfraqurylymdyq jobany údemeli ındýstrııalyq-ınnovatsııalyq damý baǵdarlamasyn júzege asyrý aýqymynda Qazaqstannyń Damý banki men Qytaıdyń Memlekettik damý banki qarjylandyrýda. QDB boıynsha nesıe jelisi 133 mln. AQSh dollaryna derlik qarajatty quraıdy, sondaı-aq «Samuryq-Energo» 38 mln. dollar kóleminde óz qarjysyn saldy.