Vıtse-mınıstr jalǵa berilgen baspanany 20 jyldan keıin ǵana jekeshelendirý jobasyn usyndy
«Parlament depýtattary men túrli qoǵamdyq uıym ókilderi satyp alý quqyǵynsyz jalǵa berilgen jáne jalǵyz turǵyn úıi «apatty» dep tanylǵan azamattarǵa turǵyn úıdi jekeshelendirýge quqyq berý máselesin kóterip júr.
2017 jyldan bastap «Nurly jer» memlekettik baǵdarlamasy aıasynda áleýmettik osal toptarǵa satyp alý quqyǵynsyz jalǵa beriletin baspana berildi.
Biz usynǵan zań jobasyna Parlament depýtattary túzetý usynyp otyr. Sol boıynsha Úkimettiń tıisti qorytyndysy daıyndalyp, Májiliske engiziledi.
Jalpy, bul túzetýler qoldaý taýyp otyr. Jekeshelendirý turǵyn úıdiń naryqtaǵy quny boıynsha júzege asady. Usynys bolashaqta Parlamentte pysyqtalatynyn atap ótkim keledi», - dedi vıtse-mınıstr.
Sondaı-aq, keleshekte jalǵa berilgen baspanany 20 jyldan keıin jekeshelendirýge múmkindik beretin tetik oılastyrylyp jatqanyn atap ótti.
«Aldaǵy ýaqytta kezekte turǵandarǵa 20 jylǵa deıin jalǵa beriletin baspanany satyp alý quqyǵyn berý mehanızmi qarastyrylýda. Ákimdikter jalǵa beretin turǵyn úıdi Qazaqstandyq turǵyn úı kompanııasynyń balansyna berý usynylady.
Kezekte turǵandar, turǵyn úı jaǵdaıyn nasharlatpaı, jaldaý aqysyn tolyq tólegennen keıin turǵyn úı ıesi atanýǵa tolyq múmkindik alady.
Bul usynys Parlament qabyrǵasynda odan ári jetildiriletinin atap ótkim keledi.
Turǵyn úı saıasatyn reformalaýdaǵy pysyqtalyp jatqan tásilder bul naqty sońǵy sheshim emes. Sizderdiń usynystaryńyz boıynsha ol talqylaý barysynda ózgerýi múmkin», - dedi Erkebulan Daýylbaev.