Vıtse-mınıstr zeınetke shyǵý jasyn ár bala úshin tómendetý týraly usynysqa pikir bildirdi

ASTANA. QazAqparat – Eńbek jáne halyqty áleýmettik qorǵaý vıtse-mınıstri Nazgúl Saǵyndyqova Májilis depýtatynyń ár bala úshin zeınetke shyǵý jasyn eki jylǵa kemitý týraly usynysyna qatysty pikir bildirdi, dep habarlaıdy QazAqparat tilshisi.

«Ózderińiz bilesizder, bizde jınaqtaýshy zeınetaqy júıesi jumys isteıdi. Azamattyń bolashaǵyn áleýmettik qamsyzdandyrý jaýapkershiligi memleket, jumys berýshi jáne jumysshy arasynda bólingen. Eger áıel dúnıege ákelgen balasynynyń sanyna qaraı zeınetke erte shyǵatyn bolsa, jetkilikti mólsherde zeınetaqy qoryn jınaqtap úlgermeıdi. Qazir áıelderdiń zeınetke shyǵý jasy 61 jaspen shektelip tur. Endi ol jasty ár bala úshin eki jyldan qysqartý usynylyp otyr. Mysaly, bes balasy bolsa, 51 jasta zeınetke shyǵýy kerek. Bul kezeńde ol jetkilikti somany jınap úlgermeıdi», - dedi vıtse-mınıstr vedomstvonyń keńeıtilgen alqa májilisinde.

Onyń paıymynsha qazir elimiz qoldanyp otyrǵan úsh deńgeıli zeınetaqy júıesi azamattarǵa aqylǵan qonymdy zeınetaqy taǵaıyndaýǵa múmkindik berip tur.

«Qazir basty maqsatymyz – zeınet jasyna jetken tulǵalardyń báriniń aqylǵa qonymdy zeınetaqy alýyn qamtamasyz etý. Eger áıelder zeınetke erte shyǵatyn bolsa, bazalyq zeınetaqy men ózderi jınaqtap úlgergen somany ǵana ala alady. ıAǵnı, zeınetaqy mólsheri joǵary bolmaıdy», - dedi Nazgúl Saǵyndyqova.

Eske salsaq, Májilis depýtaty Amanjan Jamalov áıelderdiń zeınetke shyǵý jasyn bala sanyna qaraı tómendetýdi usynǵan boaltyn.