Vıtse-mınıstr Tómen baıytylǵan ýran bankiniń jumysy týraly aıtty

NUR-SULTAN. QazAqparat - QR Energetıka vıtse-mınıstri Áset Maǵaýov Qazaqstanda Tómen baıytylǵan ýran bankin iske qosýdyń merzimi týraly aıtty, dep habarlaıdy QazAqparat tilshisi.

«Atom energııasy jónindegi halyqaralyq agenttiginiń Tómen baıytylǵan ýran bankin Qazaqstanda ornalastyrý jobasyn iske asyrý boıynsha QR Energetıka mınıstrligi men halyqaralyq agenttik arasynda tehnıkalyq kelisim aıasynda qabyldanǵan naqty sharalar josparǵa sáıkes jalǵasýda. Qazirgi ýaqytta birlesken úılestirý komıtetiniń 8 otyrysy ótkizildi. Atap aıtqanda, tıisti is-sharalardń barlyǵy oryndaldy, bankterdi saqtaýǵa arnalǵan jańa ǵımarat salyndy», - dedi vıtse-mınıstr.

Onyń sózine qaraǵanda, MAGATE-niń arqasynda tıisti tender ótkizildi.

«Tender ótkizilip, 90 tonna ýran satyp alynýda. Sonymen qatar, bul tenderge «Qazatomónerkásip» qatysyp, kompanııa 42 tonnasyn beredi. Osy jyldyń tamyz aıynda banktiń iske qosylýyna sońǵy tekserý ótkiziledi», - dedi Áset Maǵaýov.

Esterińizge sala keteıik, 2015 jyldyń 27 sáýirinde Qazaqstan Úkimetiniń qaýlysymen elimizde MAGATE-niń Tómen baıytylǵan ýran bankin «Úlbi metallýrgııalyq zaýyty» AQ-da ornalastyrý týraly kelisimge qol qoıýdy maquldaǵan bolatyn. Sol jyldyń 27 tamyzynda kelisimge Qazaqstan tarapynan Erlan Ydyrsov pen MAGATE-niń bas dırektory ıÝkııa Amano qol qoıǵan edi.

Úlbi metallýrgııalyq zaýyty qoımasynda MAGATE-niń 90 tonna tómen baıytylǵan ýrany saqtalanatyn bolady.