Vıtse-mınıstr: Sýmen jabdyqtaý protsesterin avtomattandyrý qajet
«Aýyz sý tapshylyǵy sebepteriniń biri sýǵa salǵyrt qaraý bolyp tur. Bul óz kezeginde ótkizý baǵasy tómen bolǵan kezde tutyný kóleminiń joǵary bolýyna sep boldy. Tarıf qalyptastyrýdyń áleýmettik ádisi de sý arnalaryn qarjylandyrýdyń jetkiliksizdigine, soǵan oraı júıeniń jyldam tozýyna alyp keldi. Osy jaıt apattar sanynyń artýyna, sýdyń bosqa shyǵyndalýyna jáne onyń sapasynyń nasharlaýyna jol ashty. Osyǵan oraı bizge sýdy paıdalaný jáne onyń qunyn qaıtadan baǵalaý qajet», - dedi ol Májilistegi dóńgelek ústel barysynda.
Onyń atap ótýinshe, sý resýrstaryn únemdeý maqsatynda sýmen jabdyqtaý, sý burý jáne tazartý júıesiniń óndiristik qurylystarynyń protsesterin avtomattandyrý qajet. Aýyz sý tutyný normasyn qaıta qarap, esepke alý aspaptaryn ornatý is-sharalaryn qolǵa alý kerek.
«Máselen, Shymkent qalasynda sý arnalaryn tolyqtaı avtomattandyrý, sý kózinen tutynýshyǵa deıin esepke alý aspaptaryn ornatý esebinen 23 jyldyń ishinde bir adamnyń sý tutyný kólemi táýligine 456 lıtrden 121 lıtrge deıin qysqardy. Bul shamamen 40 mlrd teńgeni únemdeýge múmkindik berdi. Sonymen qattar «Astana sý arnasyn» avtomattandyrý esebinen úsh jylda 523 mln teńge únemdeldi. Ol negizinen elektr energııasy shyǵyndarynyń qysqarýy, jelilerde apatty jaǵdaılardyń tómendeýi esebinen boldy. Osyǵan oraı jergilikti atqarýshy organdar kásiporyndarmen birlesip, joǵaryda atalǵan is-sharalardy júzege asyrý ishin naqty sharalardy qabyldaýy tıis», - dedi birinshi vıtse-mınıstr.