Vıtse-mınıstr Reseımen birlesken «gaz odaǵy» týraly: Bul ázirge ıdeıa ǵana

ASTANA. QazAqparat – QR Syrtqy ister vıtse-mınıstri Roman Vasılenko Ózbekstan, Qazaqstan jáne Reseıdiń birlesken gaz odaǵyn qurý týraly usynysyna pikir bildirdi, dep habarlaıdy QazAqparat tilshisi.

«Qazaqstan, Ózbekstan, Reseı arasynda «úshtik gaz odaǵy» qurylatyny týraly aqparat tarap júr. Biz bul gaz odaǵyn qurýǵa kelisemiz be?» dep surady BAQ ókili mınıstrdiń orynbasarynan.

«Memleket basshysynyń pikirin estigen shyǵarsyzdar. Ol atalǵan ıdeıany áli muqııat zerdeleý kerek degen bolatyn. Bul ázirge ıdeıa ǵana. Dıplomatııada kóptegen ıdeıalar aıtylady. Sondyqtan ondaı ıdeıalar memlekettik sheshim shyqpaı turyp mamandardyń tyńǵylyqty nazar aýdarýyna laıyq. Memleket basshysy aıtqandaı, bul ıdeıany sarapshylar zerttep, sheshim qabyldaýshylar da jan-jaqty zerdeleıdi», - dedi vıtse-mınıstr.

Eske sala keteıik, apta basynda Qazaqstan men Reseı prezıdentteri Kremlde «úshtik gaz odaǵyn» qurý máselesin talqylaǵan bolatyn.