Vıtse-mınıstr Petropavldaǵy oqys oqıǵa bolǵan mektep týraly aqparat berdi

ASTANA. QazAqparat – Іshki ister vıtse-mınıstri Marat Qojaev Úkimet otyrysynda Petropavldaǵy oqys oqıǵa bolǵan mektep týraly aqparat berdi, dep habarlaıdy QazAqparat tilshisi.

«№4 orta mektepte 2 aýysymmen sabaq oqıdy, 39 synyp, 984 oqýshy, muǵalimder shtaty – 70, onyń ishinde bireýi psıholog.

Mektepte jáne onyń aýmaǵynda 42 beınebaqylaý kamerasy jáne «SA BARS NEXT» jaýapkershiligi shekteýli seriktestigine qosylǵan (shaqyrý túsken ýaqytta jyldam qımyldaýdy qamtamasyz etedi) 5 dabyl belgisi bar», - dedi ol.

Vıtse-mınıstrdiń sózine qaraǵanda, oqıǵa bolǵan kúni mekteptiń 1 qabatynda kúzetshi-vahter bolǵan.

«Tergeý barysy baqylaýǵa alyndy, onyń nátıjeleri boıynsha qylmys pen zańdy buzýdyń sebepteri men jaǵdaılarynyń aldyn alý týraly usynym engiziledi», - dedi Marat Qojaev.

Eske salsaq, Petropavlda 9-synyp oqýshysy mektepke qarýlanyp kelip, birneshe balany jaraqattaǵan bolatyn.

Keshe tús kezinde oqıǵa kezinde zardap shekken oqýshylar jansaqtaý bóliminde jatqany belgili boldy.