Vıtse-mınıstr qazaqstandyqtarǵa órt qaýipsizdigi boıynsha nusqaý aıtty

ASTANA. QazAqparat – Tótenshe jaǵdaılar mınıstriniń orynbasary Marat Kúldikov Ortalyq kommýnıkatsııalar qyzmetinde ótken brıfıngide órt qaýipsizdiginiń qarapaıym erejelerin turǵyndardyń esine saldy, dep habarlaıdy QazAqparat tilshisi.

«7 qarashadaǵy jaǵdaı boıynsha el boıynsha alty júz myńnan astam reıd júrgizildi. Órt qaýipsizdiginiń júz myńnan astam buzýshylyqtary anyqtaldy. Janǵysh materıaldardy jylytý qurylǵylarynyń janynda saqtaý, zattardy peshtiń ústinde keptirý jáne basqalary sııaqty buzýshylyqtardyń negizgi bóligi sol kezde joıylady, qalǵandary boıynsha usynystar beriledi.

Osyǵan baılanysty, TJM azamattarymyzǵa órt qaýipsizdiginiń qarapaıym erejelerin saqtaýǵa keńes beredi. ıAǵnı, gaz ballondaryn jylytý qurylǵylarynyń janynda saqtamańyz, kirdi jáne basqa zattardy peshtiń ústinde keptirmeńiz, múmkin bolsa, murjalardy tazalańyz», - dedi vıtse-mınıstr.

Buǵan deıin mınıstrlik mınıstrdiń orynbasary elimizde 106 myńnan astam otbasy órt qaýipsizdigi boıynsha esepke alynǵanyn aıtqan edi.

Foto: ortcom.kz