Vıtse-mınıstr: Qashyqtan oqytý búgingi epıdahýalǵa baılanysty ekendigin qaıtalap aıtamyn

NUR-SULTAN. QazAqparat – Mektepterdegi bilim berý protsesin dástúrli formatqa kóshirý Bas memlekettik sanıtar dárigerdiń sheshimimen qabyldanady. Bul týraly QR Bilim jáne ǵylym vıtse-mınıstri Sholpan Karınova aıtty, dep habarlaıdy QazAqparat tilshisi.

«Qashyqtan oqytýdyń ózi búgingi sanıtarlyq-epıdemıologııalyq jaǵdaıǵa baılanysty ekendigin taǵy da bir atap ótkim keledi. Árıne, sanıtarlyq jaǵdaı eskerilip, ol jaqsarǵan saıyn Bas sanıtar dárigerdiń sheshimimen mektepterdi shtattyq rejımde jumys isteýge qaıtarý boıynsha sharalar qabyldanatyn bolady. Osyǵan qatysty mınıstrliktiń birneshe ustanymy bar. Ol ustanymdarymyzdy tıisti, beıindi mınıstrlikke usyndyq. Bul másele boıynsha jumys toptarymen kúndelikti baılanystamyz jáne ony sheshý joldaryna qatysty jumysymyzdy jalǵastyrýdamyz», - dedi vıtse-mınıstr búgin Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, mektepterdegi bilim berý protsesin dástúrli formatqa kóshirý Bas memlekettik sanıtar dárigerdiń sheshimimen qabyldanady.

«Árıne, biz óz tarapymyzdan osy máselege qatysty usynystarymyzdy beremiz», - dedi Sholpan Karınova.