Vıtse-mınıstr qar az túsken óńirlerge ylǵal jabý jumystary týraly aıtty
«Agroónerkásip keshenin memlekettik qoldaýdyń jańa tásilderimen, onyń ishinde tsıfrlyq tehnologııalardy paıdalana otyryp, aýyspaly egisti saqtaýǵa qatań tásildeme kózdelgenin atap ótkim keledi. Mysaly, maıly daqyldar joǵary rentabeldi jáne dándi daqyldarǵa qaraǵanda suranysqa ıe. Buǵan basa nazar aýdarý kerek.
Jalpy, jumysqa daıyndyq kezinde aýa-raıy qubylystaryn eskerý qajet. Osylaısha, respýblıkadaǵy eginshiliktiń mańyzdy mindetteriniń biri topyraqta ylǵal jınaý jáne ony utymdy paıdalaný jónindegi is-sharalardy júrgizýge baǵyttalǵan», - dedi vıtse-mınıstr Úkimet otyrysynda.
Aıdarbek Saparov «Qazgıdromet» RMK derekteri boıynsha respýblıka aýmaǵynyń basym bóliginde jaýyn-shashyn birkelki túspegenin atap ótti.
«Jaýyn-shashynnyń normadan joǵary mqlsheri batysta, ońtústik-batysta, soltústikte, ortalyq pen shyǵystyń taýly aýdandarynda ótti. Qalǵan aýmaqta jaýyn-shashyn normadan az boldy. Qar jamylǵysynyń bolmaýy ońtústikte, ońtústik batysta, ońtústik shyǵys jazyǵynda baıqaldy.
Qalyptasqan aýa raıy jaǵdaılaryn eskere otyryp, mınıstrlik qar toqtatý boıynsha agrotehnıkalyq jumystardy júrgizý qajettiligin birneshe ret atap ótti. Qazirgi ýaqytta óńirler osyndaı jumys júrgizýde, shamamen 3,1 mln ga alańda qar toqtatý eki izben júrgizildi. Bul 2021 jyldyń tıisti kezeńiniń deńgeıinen 2,5 ese artyq», - dedi mınıstrlik ókili.
Onyń aıtýynsha, kóktemde barlyq jerde ylǵal jabý jumystaryn júrgizý qajet.