Vıtse-mınıstr halyqty aýylda turýǵa qalaı yntalandyratynyn aıtty

NUR-SULTAN. QazAqparat – QR Indýstrııa jáne ınfraqurylymdyq damý vıtse-mınıstri Erkebulan Daýylbaev halyqty aýylda turýǵa qalaı yntalandyratynyn aıtty, dep habarlaıdy Qazaqparat tilshisi.

QR Parlamenti Májilisinde «Qazaqstan Respýblıkasynyń keıbir zańnamalyq áktilerine turǵyn úı saıasatyn reformalaý máseleleri boıynsha ózgerister men tolyqtyrýlar engizý týraly» Zań jobasy tanystyryldy.

«Aýyldyq jerlerde turǵyn úı máselesin sheshý úshin aýylda jalǵa beriletin úıler salý kezinde jumys berýshilerdiń shyǵyndaryn sýbsıdııalaý tetigin engizý usynylady. Bul jumys berýshilerdi óz jumyskerleri úshin turǵyn úı salýǵa yntalandyratyn bolady.

Bul olardyń aýyldyq jerlerde turýǵa múddeliligin arttyrady jáne halyqtyń qalalarǵa jappaı ketýin tejep, aýyldyq jerlerge bilikti mamandardy tartýǵa múmkindik beredi.

Sýbsıdııalaýǵa úı paıdalanýǵa berilgennen keıin onyń qunynyń 50%-y mólsherinde jáne jalpy aýdany 100 sharshy metrden aspaıtyn, quny 10 mln teńgeden aspaıtyn jumys berýshilerdiń shyǵyndary jatady.

Turǵyn úı jumys berýshi men jumysker arasynda 5 jyldyq merzimge jasalǵan eńbek sharty bolǵan kezde usynylady», - dedi mınıstrlik ókili.

Onyń aıtýyna qaraǵanda, búgingi tańda óńirlerde 2 855 turǵyn úıdiń qurylysyn bastaý josparlanǵan.

«Atalǵan jańashyldyqtardy iske asyrý úshin 4 Kodeks pen 19 zańǵa ózgerister men tolyqtyrýlar engizý qajet.

Tutastaı alǵanda, joǵaryda kórsetilgen sharalar halyqty turǵyn úımen qamtamasyz etýdiń tıimdiligin arttyrýǵa, azamattardyń turǵyn úıin alý rásimin ońtaılandyrýǵa, sondaı-aq azamattardyń barlyq sanattary arasynda turǵyn úıdi ádil bólýdiń biryńǵaı tetigin engizýge múmkindik beredi», -dedi Erkebulan Daýylbaev.