Vıtse-mınıstr: Áskerdegi sýıtsıdtiń bir sebebi – nesıe

NUR-SULTAN. QazAqparat – QR Qorǵanys mınıstriniń orynbasary Darhan Ahmedıev áskerıler arasyndaǵy sýıtsıdke tólenbegen nesıeler de sebepker bolyp jatqanyn aıtty, dep habarlaıdy QazAqparat tilshisi.

«Bizge 18 jastaǵy jigitter boryshyn óteýge keledi. Solardyń ishinde, ókinishke qaraı, moınynda 9 mln teńge turmystyq jáne basqa da neıesi bar sarbazdar boldy. Bul – bir sebebi. ıAǵnı, budan da bólek áleýmettik problemalar bar. Sonyń bári sýıtsıdtiń trıggeri bolyp jatyr. Jalpylama aıtý qıyn. Ár jaǵdaıdy jeke alyp qaraý kerek. Ár jaǵdaıda bir ómir qıylyp jatyr. Sondyqtan sebebin jalpylama sıpattap aıtýǵa bolmaıdy», - dedi ol Ortalyq kommýnıkatsııalar qyzmetinde ótken brıfıngide.

Vıtse-mınıstr bıyl tirkelgen qaıǵyly oqıǵalardyń sebebine de toqtaldy.

«Bizde bolǵan 4 qaıǵyly jaǵdaı týraly aıtsaq, ekeýi otbasyndaǵy turmystyq daýdan bolǵan. Qalǵan ekeýi boıynsha tergeý sharalary júrip jatyr. Sondyqtan naqty málimet aıta almaımyn», - dedi Darhan Ahmedıev.

Mınıstr orynbasarynyń deregi boıynsha, bıyl Qarýly kúshterde 7 sýıtsıd áreketi tirkelip, tórteýi qaıǵyly aıaqtalǵan.

Foto: Mınısterstvo oborony RK