Vetnamdyq kompanııa Qazaq Air-di 2 mlrd teńgege satyp alady

<p>ASTANA. KAZINFORM &ndash; Kólik mınıstri Marat Qarabaev Úkimet otyrysynank eıin ótken baspasóz máslıhatynda Qazaq Air áýe kompanııasyn satý mámilesiniń egjeı-tegjeıin aıtty.</p>

«Mamyr aıynda Prezıdent Qazaq Air-diń vetnamdyq kompanııaǵa satylatynyn habarlady. Ol mámile qashan aıaqtalady, komapnıaınyń qaryzy bar ekenin eskersek, quny qansha bolady?» - dep surady jýrnalıst. 

Mınıstr bul mámile kúzde máresine jetetinin aıtty.

«Kelisimsharttyń bir satysyna qol qoıyldy. Qyrkúıektiń aıaǵyna deıin mámileni aıaqtaımyz dep otyrmyz. Kelisimshartta Qazaq Air-diń búkil qaryzyn óteý mindettelgen. Tólemniń kezeńi áli anyqtalǵan joq. Ekinshiden, satyp alýshy kompanııanyń Qazaqstan ishinde jáne syrtyna tasymal jasaıtyn 20-dan kem emes áýe kóligin tirkeý mindettemesi qarastyrylǵan.

Jalpy ınvestordyń ózi 20 emes 50-ge deıin áýe kóligin tartamyn dep otyr. ıAǵnı, naryqta taǵy bir aıtarlyqtaı kúshti oıynsha paıda bolady degen sóz. Masyl, SCAT kompanııasynda 50-ge jýyq bort, Air Astana-da 54 bort bar. Sonda naryqta solarmen shamalas úshinshi oıynshy bolady. Bul básekege, bıletterdiń baǵasyna oń áser etetini sózsiz», - dedi ol.

Vedomstvo basshysy kelissózdi «Samuryq-Qazyna» qory júrgizip jatqanyn eske saldy.

«Kelisimsharttyń quny bar. Menińshe, 2 mlrd teńge shamasynda boldy-aý deımin. Jalǵan aqparat bolmaý úshin qosymsha tekseremiz, habarlaımyz», - dedi Marat Qarabaev.