Vetnamda «ıAgı» taıfýnynan qaza tapqandar sany 233 adamǵa jetti

<p>ASTANA. KAZINFORM &ndash; Vetnamda &laquo;ıAgı&raquo; taıfýny qurbandarynyń sany artyp keledi. Bılik 233 adamnyń qaıtys bolǵanyn rastady. 800 adam jaraqat aldy. Taǵy 103 adam iz-túzsiz joǵalǵandar tiziminde,der habarlaıdy <a href="https://ru.euronews.com/2024/09/13/asia-typhoon-yagi-aftermath" target="_blank" rel="noopener">Euronews</a>.</p>

Olardyń jartysyna jýyǵy – Laokaı provıntsııasyndaǵy qırandy, qoqys taýlaryna aınalyp ketken Lang Ný kentiniń turǵyndary. Onda daýyldan bolǵan nóser jaýyn saldarynan jergilikti ózender arnasynan asyp, kóshkin oryn aldy.

Tiri qalǵandardy izdeýge 500-ge jýyq qutqarýshy jumyldyryldy. Biraq zardap shekken aımaqqa aýyr tehnıkany jetkizý múmkin emes: joldar jabylǵan nemese shaıylǵan. 

«ıAgı» Vetnamǵa senbi kúni jetti. Jeldiń jyldamdyǵy saǵatyna 145 shaqyrym boldy. Ol jeksenbide basyldy, biraq bul kúnderi qatty nóser jaýyn toqtamady.

Qazirdiń ózinde Azııadaǵy eń qýatty daýyldardyń biri sanalatyn «ıAgı» Fılıppınde de kúsheıip, Qytaıdyń ońtústigine de áser etti. Taılandtyń soltústik aımaqtary zardap shekti, onda jaǵalaýdaǵy birneshe eldi meken sý astynda qaldy. 

Tolassyz jaýǵan jańbyrdan kóshkin bolǵan Chıangraı provıntsııasynda kem degende alty adam qaza tapty. Bılik sý deńgeıiniń áli de kóterilip jatqanyn eskertti. Olar turǵyndardan bıik jerge kóshýin suraıdy. 

Klımatologtardyń pikirinshe, mundaı tótenshe aýa raıy qubylystary klımattyń adam áreketinen týyndaǵan ózgerýine tikeleı baılanysty.