Vetnamda «ıAgı» taıfýny saldarynan 179 adam mert boldy

<p>ASTANA. KAZINFORM &ndash; Vetnamda qýatty &laquo;ıAgı&raquo; taıfýny saldarynan 179 adam mert bolyp, 145 adam iz-túzsiz joǵalǵan. Vetnam astanasy Hanoıdan Hongha ózeniniń jaǵasynda turatyn myńdaǵan adam evakýatsııalandy, dep jazady&nbsp;<a href="https://www.reuters.com/world/asia-pacific/flood-waters-vietnam-threatening-inundate-hanoi-districts-2024-09-11/" target="_blank" rel="noopener">Reuters</a> agenttigi.</p>

Bıylǵy jylǵy Azııada bolǵan eń qýatty «ıAgı» taıfýny Vetnamǵa senbi kúni soqty. Úkimettiń baǵalaýynsha, taıfýnnan soń kóshkin júrip, sý tasyǵan.

Memlekettik EVN energetıkalyq kompanııasy sársenbi kúni el astanasynyń sý basqan keıbir aımaqtarynda qaýipsizdikke baılanysty elektr jaryǵy sóndirilgenin habarlady.

Gıdrometeorologııalyq boljamdar Ulttyq ortalyǵynyń dırektry Maı Van Khem Hongha ózeni keıingi 20 jylda bolmaǵan deńgeıge kóterilgenin, al aldy da taǵy jańbyr jaýǵaly turǵanyn jetkizdi.

«Hanoıdaǵy keıbir mektepterde oqýshylarǵa úıde bolyp, aptanyń sońyna deıin eshqaıda barmaýǵa keńes berildi. Keıbir aýdandardan myńdaǵan adam evakýatsııalandy»,-dep habarlady Úkimet pen memlekettik buqaralyq aqparat quraldarynyń ókilderi.

«ıAgı» taıfýny kóptegen zaýyttarǵa zaqym keltirip, jaǵalaýda ornalasqan ónerkásip ortalyqtarynyń eksportqa baǵyttalǵan qoımalaryn sý basyp, olar jumysyn toqtatýǵa májbúr boldy.

Jumys tek birneshe aptadan keıin ǵana jandanady.

Bul jumystardyń toqtaýy jahandyq taýar tasymalyna yqpal etedi. Sebebi Vetnamda kóptegen halyqaralyq korporatsııalardyń kásiporyndary ornalasqan jáne olar taýarlaryn negzinen AQSh, Eýropa men ózge de damyǵan elderge eksporttaıdy.

Osyǵan deıin Qytaıda «ıAgı» taıfýny saldaryna 2 adam qaza taýyp, 90-nan astam adamnyń jaraqat alǵanyn jazǵan edik.