Veterınarlar azamattyq qyzmetshiler sanatyna jatqyzyla ma
«Qazirgi ýaqytta «Veterınarııa týraly» QR Zańy 11-babynyń 4-tarmaǵyna jáne «Memlekettik múlik týraly» QR Zańynyń 134-baby 2-tarmaǵy 18) tarmaqshasyna sáıkes jergilikti atqarýshy organdardyń memlekettik veterınarııalyq uıymdary QR zańnamasynda belgilengen tártippen memlekettik kommýnaldyq kásiporyndar nysanynda da, memlekettik kommýnaldyq mekemeler nysanynda da (mysaly, Mańǵystaý oblysynda) jumys isteıdi. Osylaısha, JAO memlekettik veterınarııalyq uıymdarynyń uıymdyq-quqyqtyq nysanyn oblystardyń, respýblıkalyq mańyzy bar qalalardyń, astananyń JAO derbes aıqyndaıdy», - dep jazdy Asqar Mamın depýtattyq saýalǵa bergen jaýabynda
Onyń aıtýynsha, zańnamaǵa sáıkes JAO memlekettik veterınarııalyq uıymdarynyń veterınarııalyq dárigerleri JAO memlekettik veterınarııalyq uıymdaryn memlekettik kommýnaldyq mekemeler nysanynda qurǵan jaǵdaıda azamattyq qyzmetshilerge jatqyzylýy múmkin.
«Azamattyq qyzmetshiler (bilikti jumysshylardy qospaǵanda), memlekettik bıýdjet qarajaty esebinen ustalatyn uıym qyzmetkerleri laýazymdarynyń fýnktsıonaldyq bloktar boıynsha jiktelimi jáne azamattyq qyzmetshilerge, memlekettik bıýdjet qarajaty esebinen ustalatyn uıym qyzmetkerlerine, qazynalyq kásiporyndar qyzmetkerlerine eńbekaqy tóleý júıesi QR Úkimetiniń 2015 jylǵy 31 jeltoqsandaǵy № 1193 qaýlysymen aıqyndalǵan. Bul rette, laýazymdardyń bekitilgen jiktelimi qyzmet salasyna, bilimine, biliktilik deńgeıine, oryndalatyn jumystyń kúrdeliligine jáne jaýapkershilik dárejesine baılanysty basqarýshylyq, negizgi, ákimshilik jáne qosalqy personaldardan quralǵan.
Osyǵan baılanysty qoldanystaǵy zańnamaǵa sáıkes, JAO memlekettik veterınarııalyq uıymdarynyń dárigerleri JAO memlekettik veterınarııalyq uıymdaryn memlekettik kommýnaldyq mekemeler nysanynda qurǵan jaǵdaıda, olardy laýazymdardyń bekitilgen jiktelimine qosymsha qospaı-aq, azamattyq qyzmetshilerge jatqyzylýy múmkin», - deıdi A. Mamın.