Veterınar aılyǵynyń zańmen bekitilgen mólsheri belgili boldy

NUR-SULTAN. QazAqparat – Premer-Mınıstrdiń orynbasary Roman Sklıar elimizdegi veterınar mamandardyń aılyǵy qansha bolý kerektigin aıtty, dep habarlaıdy QazAqparat tilshisi.

Májilis ókilderiniń depýtattyq saýalyna bergen jaýabynda Roman Sklıar bıyl veterınarlardy daıyndaý boıynsha 1 047 grant bólingenin ataǵan.

«Aýdandyq veterınarııalyq stantsııalar mamandarynyń ortasha aı saıynǵy eńbekaqysy joǵary bilimdi veterınarııalyq dárigerde zeınetaqy jarnasyn jáne salyq aýdarymdaryn shegermegende 117,0 myń teńgeni quraıdy. Al orta bilimdi veterınarııalyq feldsherde – 87,0 myń teńgeni, veterınarııalyq pýnktegi veterınarııalyq dárigerde – 94,0 myń teńgeni, veterınarııalyq feldsherlerde – 89,0 myń teńgeni quraıdy. Bul rette Uıym veterınarııa salasynda aqyly negizde qyzmet kórsete alady. Mundaı jumystardy júrgizýden alynǵan tabys qyzmetkerlerge eńbek aqy tóleýge jáne olarǵa syılyqaqy berýge de paıdalanylýy múmkin. Uıymdy qarjylandyrýdyń negizgi kózi veterınarııa salasyndaǵy fýnktsııalardy oryndaýǵa bıýdjetten kózdelgen qarajat bolyp tabylady», - delingen vıtse-premerdiń jaýabynda.

Sondaı-aq, vıtse-Premer brýtsellezge qarsy ruqsat etilgen vaktsınalar tizimin qaıdan tabýǵa bolatynyn aıtty. Onyń aıtýynsha, halyqtyń qolyndaǵy malǵa 5 0 mln gektar jaıylym kerek.