Veronıka Nurpeıisova: «Ashyq» mobıldi qosymshasy - ońtaıly sheshim
«Keshe «Ashyq» mobıldi qosymshasyn qoldanýǵa qatysty kásipkerlerdiń qatysýymen ZOOM jıyn ótti. Óz basym bul bastamany 100% qoldaımyn. Biz úshin «Ashyq» mobıldi qosymshasyn iske qosqany bul ońtaıly sheshim. Men Memleket basshysynyń halyqqa Joldaýy aıasynda biraz óńirlerde boldym. Aıtarym, búginde karantındik shekteýlerdiń saldarynan kóptegen bıznes salasy shyǵynǵa batyp otyr. Osy oraıda bılik ókilderiniń tyń sheshim qabyldap, osy baǵdarlamany júzege asyryp jatqanyna qýanyshtymyz. Biz bul sheshimdi kópten kútip kelemiz», - dedi V.Nurpeıisova.
Onyń aıtýynsha, búginde elorda jáne Almaty qalasynda atalǵan ádisti synaqtan ótkizý bastalyp ketti.
«Mobıldi qosymsha qyzmetin biz 1 aıdan astam qoldanyp kelemiz. Atap aıtqanda, Nur-Sultan qalasy boıynsha 10, Almaty boıynsha 5 jáne Qaraǵandy qalasy boıynsha 6 qoǵamdyq tamaqtaný orny qoldanyp jatyr. Osy oraıda aıta ketý kerek, klıentter atalǵan mobıldi qosymsha qyzmetin qýana qabyldaýda. Sebebi, ol aldymen ár adamnyń óz qaýipsizdigi úshin qajet. ıAǵnı qandaı da bir qoǵamdyq orynǵa kelgen kisi, ózimen qosa onda kelýshilerdiń jaǵdaıymen tanys bolady. Árıne, tekserýden bas tartyp jatatyndar da bar. Basynda biz olardy eskertýmen kirgizdik, endi arnaıy sheshim shyqty. Demek, biz oǵan baǵynýǵa mindettimiz. Osy oraıda biz shamamen 10-20 % kelýshilerdi joǵaltatynymyz ras. Sebebi, «Ashyq» mobıldi qosymshasynan bas tartatyndar bar. Degenmen jumys istemeı, shyǵynsha batqannan góri, jumys istep tabys tapqanymyz artyq. ıAǵnı bizge qoıylǵan talaptardy oryndap, jumys isteýge ázirmiz», - deıdi ol.
Aıta ketsek, elimizdiń úsh qalasyndaǵy kásipkerlik obektilerde «Ashyq» mobıldi qosymshasyn engizý boıynsha ilki joba joba júzege asyryla bastaıdy. Mundaı qujatqa QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov keshe qol qoıǵan bolatyn.