ASTANA. KAZINFORM - Majarstan astanasy Býdapesht qalasynda halyqaralyq týrnırde grek-rım kúresinen Qazaqstan quramasy jalpy komandalyq esepte ekinshi oryn aldy.
Halyqaralyq týrnırde álemniń 25 memleketinen 188 sportshy baq synady. El quramasynan Marlan Muqashev
(55 keli) kúmis júldeger atansa, Erjet Jarylqasyn (63 keli) jáne Álimhan Syzdyqov (130 keli) úzdik úshtikten kórindi.
Halyqaralyq týrnırde áıelder kúresinen Jámıla Baqbergenova (72 keli) kúmis alsa, Nılýfar Raımova (57 keli), Elmıra Syzdyqova (76 keli) men erkin kúresten Asyljan Esengeldi (61 keli) qola alǵan edi.
Aıta ketsek, qazaqstandyq tóreshiler 2025 jylǵy kúres túrleri boıynsha álem chempıonatynda qyzmet atqarady.
Birikken kúres álemi (UWW) jarııalaǵan 2025 jyly Horvatııanyń Zagreb qalasynda ótetin álem chempıonatynda qyzmet atqaratyn tóreshiler qatarynda Igor Lıgaı men Erik Jumabekov bar.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.