Vengrııadaǵy tasqyn: Dýnaıdaǵy sý deńgeıi kóterildi

<p>ASTANA. KAZINFORM &ndash; Búgin Vengrııa astanasynda sý tasqynynyń eń joǵary qaýpi saqtalady degen boljam bar. Býda men Peshtanyń tómengi jaǵalaýlary jabylǵan.</p>

Euronews taratqan aqparatqa súıensek, sý tasqyny Vengrııadaǵy Dýnaı ózeniniń boıyndaǵy barlyq aýdandarǵa áser etken.

Atalǵan ózenniń Germanııa men Avstrııadaǵy bóliginde aıtarlyqtaı jaýyn-shashyn tirkelmegen. Sońǵy boljam boıynsha osy jeksenbide jańbyr molynan jaýady. Dese de, bul faktor sý tasqynyna aıtarlyqtaı áser etpeýge tıis.

«Boljam boıynsha, Dýnaıdaǵy sýdyń kóterilýi Moskıtten Vengrııanyń ońtústik shekarasyna deıin jetedi. Býdapeshttegi sýdyń eń joǵary deńgeıi senbide bolady dep kútilýde», - dedi Ulttyq sý resýrstary bas basqarmasynyń ókili Gabrıela Shıklosh.

Býda men Peshtanyń tómengi jaǵalaýlary beısenbiniń keshki ýaqytynan beri jabyq. Ádette demalys kúnderi kólik qozǵalysyna shekteý qoıylyp, tek jaıaý júrginshiler jaǵalaýda serýendeı alady. Dese de, bul demalysta jaıaý júrginshilerge de jaǵalaý jabyq bolady.