Vengrııa joǵary oqý oryndary qazaqstandyqtarǵa 250 oqý grantyn bóldi

ASTANA. QazAqparat - QR Bilim jáne ǵylym mınıstrligi men Vengrııanyń adam resýrstaryn qorǵaý mınıstrligi arasyndaǵy 2013 jylǵy 19 qarashasyndaǵy bilim jáne ǵylym salasyndaǵy yntymaqtastyq týraly kelisimge sáıkes Vengrııa Úkimeti Qazaqstan azamattaryna 2019-2020 oqý jylyna arnalǵan «Stipendium Hungaricum» stıpendııalyq baǵdarlamasyna qatysýǵa múmkindik beredi. Bul týraly QazAqparat «Bolashaqtyń» saıtyna silteme jasap habarlaıdy.

Osy baǵdarlama aıasynda Vengrııanyn tarapynan Qazaqstan azamattaryna kelesi baǵdarlamalarǵa 250 grant bólingen:

• bakalavrıat baǵdarlamasy boıynsha 110 oryn (óner, gýmanıtarlyq, aýyl sharýashylyǵy, tehnıkalyq ǵylymdar)
• magıstratýra baǵdarlamasy boıynsha 90 oryn  (tehnıkalyq ǵylymdar, aýyl sharýashylyǵy, óner)
• bakalavrıat jáne magıstratýranyń birlesken baǵdarlamasy boıynsha 5-ten 6 jylǵa deıin oqý merzimimen 30 oryn (jalpy medıtsına, farmatsevtıka, stomatologııa, arhıtektýra, zań, veterınarlyq hırýrgııa, aýylsharýashylyq salasyndaǵy ınjenerııa, sáýlet salasyndaǵy ınjener)
• doktorlyq baǵdarlama boıynsha 20 oryn (barlyq baǵytta)

Granttar boıynsha aqparat tómendegi siltemede.

Mamandyqtardyń tizimin osy jerden kóre alasyz (saıtta Annex 1 tandaý qajet). 

Grant kelesi shyǵyndardy qamtıdy:

• tegin oqý;
• bakalavrıat pen magıstratýra boıynsha aı saıynǵy stıpendııa - 130 eýro, doktorantýra - 450-580 eýro;
• jataqhanada turý (nemese aıyna 130 eýro mólsherinde jalǵa beriletin turǵyn úıdi tóleý);
• medıtsınalyq saqtandyrý.

Baǵdarlama týraly tolyqyraq myna jerden oqýǵa bolady.