Vengrııa Syrtqy ister mınıstri: Qazaqstan – EO-nyń Ortalyq Azııadaǵy tiregi

<p>Eýropalyq Odaq Qazaqstanmen energetıka salasynda tyǵyz yntymaqtastyq baılanys ornatqysy keledi. Bul týraly Vengrııanyń Syrtqy ister jáne syrtqy ekonomıkalyq baılanystar mınıstri Peter Sıııarto Jibek Joly telearnasyna bergen suhbatynda aıtty, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

«Biz Eýroodaq pen Qazaqstan arasyndaǵy yntymaqtastyq nyǵaıa túskenin qalaımyz, óıtkeni Eýropalyq Odaq senimdi energııamen qamtamasyz etý úshin ártaraptandyrý múmkindikterin izdeıdi. Biz Ortalyq Azııanyń senimdi seriktes jáne ártaraptandyrýdyń absolıýtti senimdi kózi bola alatynyn kórip otyrmyz», - dedi Sıııarto.

Mınıstr EO Qazaqstandy aımaqtaǵy «negizgi tirek» sanaıtynyn, sondyqtan Astanamen yntymaqtastyq osy eýropalyq maqsatty júzege asyrýǵa úles qosýy kerek ekenin atap ótti. Vengrııa men Qazaqstan arasyndaǵy baılanysqa toqtalǵan Sıııarto ekonomıkalyq turǵydan 2023 jyldy «eń ónimdi» jyl dep atady.

Esterińizge sala keteıik, 2 qarashada premer-mınıstr Vıktor Orban Qazaqstanǵa resmı saparmen keldi. Qazaqstan Prezıdenti Qasym-Jomart Toqaevpen kezdesý barysynda taraptar bilim berý salasyndaǵy ózara túsinistik týraly memorandýmǵa qol qoıdy. Sondaı-aq sapar barysynda vengrııalyq kompanııalarmen olardyń Qazaqstandaǵy qyzmeti týraly kelisimderge qol jetkizildi.

3 qarashada Vengrııa premer-mınıstri Túrki memleketteri uıymynyń 10-shy sammıtine qatysty.