Vengrııa ǵalymdary ıtter keıbir sózderdiń maǵynasyn túsinetinin dáleldedi

<p>&nbsp;ASTANA. KAZINFORM &ndash; Ǵalymdardyń pikirinshe, ıtter týa bitkennen bastap referentsıaldy túsiný, ıaǵnı sózdermen belgilengen zattar týraly aqyl-oıdy qalyptastyrý qabiletine ıe, dep habarlaıdy<a href="https://ru.euronews.com/2024/03/29/fdj-hungary-dogs-study" target="_blank" rel="noopener"> Euronews.&nbsp;</a></p>

It ıeleri úı janýarlarynyń adam tilin túsinetinin aıtty. Dop ákelsin deseń, gazet nemese basqa nárse emes, dop ákeledi. Qazir muny vengr ǵalymdary da rastady. 

Tájirıbe barysynda ıt ıeleri oıynshyqtardyń atyn aıtyp, sosyn kórsetip, úı janýaryna berip, keıde ádeıi qatelesetin. Mysaly, olar dopty súıek dep atady.

Qorytyndy kórsetkendeı, ıtterdiń mıy oıynshyqtardyń durys jáne durys emes ataýlaryna basqasha reaktsııa tanytty. Zertteýde ınvazıvti emes elektrodtar qoldanyldy.

«Eger ıt zatty bildiretin sózdiń maǵynasyn shynymen túsinetin bolsa, onda ol dál sol nysandy kóredi dep sendik. Al eger ıesi basqa zatty kórsetse, onda ıttiń mıynda tańqalý reaktsııasy paıda bolady. Dál solaı bolyp shyqty», - dedi Etvosh Lorand ýnıversıtetinen zertteýshi Marıanna Borosh. 

Ǵalymdardyń aıtýynsha, ıtter de adamdar sııaqty zattyń atyn estigende onyń «psıhıkalyq beınesin» elestetedi.