Venesýelanyń gaz óńdeý zaýytynda jarylys boldy

<p>ASTANA. KAZINFORM - Venesýelanyń gaz óńdeý zaýytynda jarylys bolyp, 3 adam zardap shekti, dep habarlaıdy reseılik <a href="https://ria.ru/20241111/venesuela-1983183614.html" target="_blank" rel="noopener">Rıa Novostı </a>agenttigi.</p>

Qýatty jarylys shyǵys Monagas shtatyndaǵy venesýelalyq PDVSA kompanııasynyń gaz óńdeıtin Muscar zaýytynda bolǵan. Oqıǵanyń saldarynan keminde 3 adam zardap shekti.

«Esekel-Samora ákimshilik aýdany PDVSA kompanııasyna tıesili Muscar zaýytyndaǵy jarylystan soń órt shyqty. Resmı emes málimetterge qaraǵanda, PDVSA klınıkasyna zardap shekken úsh adam jetkizilgen»,-delingen habarlamada.

Jergilikti turǵyndar keminde bes jarylys bolǵanyn aıtyp jatyr, sondaı-aq zaýytqa jaqyn aımaqta evakýatsııa júrgizildi.

Osyǵan deıin Ispanııa premer-mınıstri sý tasqynyna baılanysty 3,7 mıllıon eýro kólemindegi kómek bóletinin aıtty.